«Ютазы элеваторы» җәмгыятендә техника тикшерелде

2020 елның 23 апреле, пәнҗешәмбе

2020 елның 22 нче апрелендә «Ютазы элеваторы» АҖдә үзйөрешле машиналарга техник карау уздырылды. Барлыгы 5 берәмлек үзйөрешле техника күрсәтелде. Номер агрегатларының туры килүе, тракторчы-машина йөртүче таныклыгы булу предметына теркәлү документлары тикшерелде, машиналарның техник торышына махсус игътибар бирелде. Барлык техника тикшерүне уңышлы узды, нәтиҗәдә техник карау узу турында таныклыклар бирелде. АҖ хезмәткәрләре белән үзйөрешле машиналарны имин эксплуатацияләү буенча профилактик әңгәмә үткәрелде.

Назыйм Рәкыйпов – ТР Дәүләт техник күзәтчелек идарәсенең Ютазы муниципаль районы буенча баш дәүләт инженер-инспекторы.