Теләче муниципаль районында профилактика чаралары узды

2020 елның 16 апреле, пәнҗешәмбе

Теләче муниципаль районында хокук бозуларны профилактикалау буенча максатчан чаралар еш уздырыла. Шул ук вакытта үзйөрешле машиналарны һәм аларга тагылмаларны эксплуатацияләүче затларда тракторчы-машинист таныклыклары, теркәү документлары, техникага техник карау уздыру турында таныклыклар һәм башкалары тикшерелә. Агымдагы елның 15 нче апрелендә мондый чара Шәдке һәм Әбде авыл җирлекләре территорияләрендә үткәрелде. 

Үткәрелгән рейд барышында 9 административ хокук бозу очрагы ачыкланды, алар буенча Административ хокук бозулар турында РФ кодексының 9.3 статьясы буенча административ хокук бозу турында беркетмәләр төзелде.

Хәмит Нәзиров – ТР Дәүләт техник күзәтчелек идарәсенең Теләче муниципаль районы буенча баш дәүләт инженер-инспекторы.