Зеленодольск муниципаль районында техник карау узды

2020 елның 26 феврале, чәршәмбе

Февраль ахырында, эш графигы нигезендә, "Сетевая компания" ААҖнең Зеленодольск филиалында Идел буе электр челтәрләрендәге техникага тикшерү уздырылды. Барлыгы 6 берәмлек техника, ике үзйөрешле машина һәм дүрт кар чанасы күрсәтелде.

Техник карау "ОХТА 01Д" яңа диагностик приборыннан файдаланып уздырылды, ул үзйөрешле машиналарның техник торышын өч күрсәткеч буенча тикшерү өчен билгеләнгән:

1. тормоз системаларының нәтиҗәлелеге;
2. руль идарәсенең суммар люфты;
3. чыккан газларның төтен дәрәҗәсе.

Күрсәтелгән барлык үзйөрешле машиналар техник яктан төзек хәлдә иде һәм техник карау узу турында таныклыклар бирелде.

Мансур Мөхәммәтҗанов – Дәүләт техник күзәтчелек идарәсенең Зеленодольск шәһәре һәм Зеленодольск муниципаль районы буенча баш дәүләт инженер-инспекторы.