Арча агросәнәгать көллиятенең Балтач муниципаль районындагы 2 нче филиалы базасында имтиханнар узды

2019 елның 20 июне, пәнҗешәмбе

2019 елның 20 июнендә "Арча агросәнәгать һөнәри көллияте" дәүләт автоном һөнәри белем бирү учреждениесендә "В", "С", "D", "Е", "F" категорияләре буенча тракторчы-машинист таныклыгы алу өчен квалификация имтиханнары узды. Имтиханга 41 кеше кертелде. Теория өлеше буенча 10 студент канәгатьләнерлек булмаган билге алды. Имтиханнарны уңышлы тапшырган студентлар якын көннәрдә тракторчы-машинист таныклыгы алачак. Сынауны тапшыра алмаучылар өчен 7 көннән соң кабат имтихан булачак.

Марат Габдрахманов – Дәүләт техник күзәтчелек идарәсенең Балтач мунициципаль районы буенча баш дәүләт инженер-инспекторы.