Аксубай муниципаль районында агросәнәгать комплексының язгы кыр эшләрен уздыруга әзерлеге тикшерелде
2019 елнның 11 апрель көнендә Аксубай районы агросәнәгать комплексының язгы кыр эшләренә әзерлеге тикшерелде. Комиссияне Татарстан Республикасы авыл хуҗалыгы һәм азык-төлек министры урынбасары Илдус Габдрахманов һәм район башлыгы Камил Гыйльманов җитәкләде. Комиссия эшендә шулай ук авыл хуҗалыгы министрлыгының әйдәп баручы киңәшчесе Илнур Сафин, район авыл хуҗалыгы идарәсе башлыгы Рөстәм Гатин, дәүләт техник күзәтчелек бүлеге башлыгы Илдар Бикмөхәммәтов катнашты. Комиссия 8 агросәнәгать комплексы хуҗалыгын карады, биредә тракторларның, тырмалау, тукландыру, чәчү агрегатларының, чәчү комплексларының техник торышы, ремонт чылбырларының, күчмә эретеп ябыштыру агрегатының, күчмә ягулык белән тәэмин итүченең булу-булмавы тикшерелде. Хезмәтне саклау буенча, ремонтлау һәм язгы кыр эшләрен башкарганда травматизмны кисәтү буенча күрсәтмәләрдән башлап, механизаторларны махсус кием-салым белән тәэмин итүгә кадәр, киң спектрлы мәсьәләләргә дә игътибар бирелде. Һәр пункт буенча баллар исәпләнде. "Аксу-Агро" агрофирмасы максималь балл туплады. Йомгакны район мәдәният йортында ясадылар, истәлекле бүләкләр тапшырылды.
И.М.Бикмөхәммәтов – Аксубай муниципаль районы буенча дәүләт техник күзәтчелек бүлеге башлыгы.
