Зәй муниципаль районы "Зәй" а/ф ҖЧҖ җитештерү комплексларында техника карала
2019 елның 21-22 март көннәрендә Зәй муниципаль районының "Зәй" а/ф ҖЧҖдә, ТР Дәүләт техник күзәтчелек идарәсе раслаган графикка ярашлы рәвештә, тракторларга, тагылмаларга һәм үзйөрешле машиналарга техник карау уздырылды. Техниканы караганда руль һәм тормоз системасының, яктырту һәм тавыш бирү сигнализациясенең төзек булу-булмавына, шиннарның торышына, тизлекне күчергән хәлдә двигательнең эшләп китүен туктату эшенә, агрегатлардагы номерларның тапшырылган документлардагы белешмәләргә җавап бирүенә, тиешле категория буенча тракторчы-машина йөртүче таныклыгы булу-булмауга зур игътибар бирелә.
Еллык техник карауга "Зәй" а/ф ҖЧҖ "Аксарино" һәм "Кадырово" җитештерү комплекслары техника күрсәтте. Әлеге чарага "Зәй" а/ф ҖЧҖ җитештерү комплекслары тиешле дәрәҗәдә әзерләнгән иде. Техник карауга 109 берәмлек техника тәкъдим ителде, аларның 98 берәмлеге белдерелгән таләпләргә җавап бирә иде.
Техник карау нәтиҗәләре буенча ачыкланган җитешсезлекләрне бетерү турында 5 күрсәтмә төзелде.
В.Г.Гончаров – Зәй ш. һәм Зәй муниципаль районы дәүләт техник күзәтчелек бүлеге башлыгы.
