Балык Бистәсе муниципаль районы "Татавтодор" АҖ филиалы базасында юл-төзелеш машиналарын йөртүчеләр өчен һөнәри осталыкны арттыру дәресләре булды
2019 елның 13 мартында Балык Бистәсе муниципаль районында "ТАТАВТОДОР" АҖ филиалы базасында автомобиль йөртүчеләрнең һәм юл-төзелеш машиналарын йөртүчеләрнең һөнәри осталыгын арттыру буенча ел саен уздырыла торган дәресләр узды. Дәресләр ТР Дәүләт техник күзәтчелек идарәсе бүлеге һәм Россия ЭЭМның ТР Балык Бистәсе муниципаль районы буенча ЮХИДИ бүлеге тарафыннан уздырылды. Укытулар барышында юл хәрәкәте кагыйдәләре, тракторларга һәм юл-төзелеш машиналарына һәм аларга тагылмаларга техник караулар уздыру мәсьәләләре һәм тракторчы-машина йөртүче таныклыкларын алмаштыру кагыйдәләре каралды. Дәресләрдә катнашучылар үзләрен кызыксындырган барлык сорауларга да тулы җаваплар алды.
Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы буенча баш дәүләт инженер-инспекторы.
