«Татавтодор» җәмгыятенең Буа филиалындагы «Дрожжановский» юл-төзелеш идарәсендә техника тикшерелде
Техник карау графигы нигезендә, «Татавтодор» АҖ Буа филиалының «Чүпрәле» ЮРТИ юл-төзелеш техникасына техник карау уздырылды. Техник карау өчен 21 берәмлек техника, шул исәптән 2 берәмлек махсус тагылма тәкъдим ителде. Техника яхшы дәрәҗәдә әзерләнгән иде. Техник карау вакытында юлда куркынычсызлык тәэмин итүче төеннәр һәм механизмнар тикшерелде, тормоз системалары, руль идарәсе, тышкы яктылык приборлары, йөрү системасы, махсус ут приборларының (яктылык маякчыкларының) төзеклеге һәм конструкциянең башка элементлары тикшерелде. Шулай ук үзйөрешле машиналарны янгын сүндергечеләр, медицина аптечкасы, авария тукталышы билгесе, кире чигенүгә каршы таянычлар белән комплектлау тикшерелде. Механизаторлар тиешле категориядәге таныклыкларга ия, шулай ук аларга беркетелгән махсус техникада эшләү өчен квалификацияләре бар.
Техник карау нәтиҗәләре буенча анализ ясалды. Автомобиль юлларын ремонтлау һәм аларга хезмәт күрсәтү вакытында юл-төзелеш техникасын куркынычсыз эшләтү мәсьәләләре каралды. 21 берәмлек техника техник карауны нәтиҗәле узды.
Илдар Шәйхатдаров – ТР Дәүләт техник күзәтчелек идарәсенең Чүпрәле муниципаль районы бүлегенең баш дәүләт инженер-инспекторы.