Теләче муниципаль районында куркынычсызлык дәресе узды
Соңгы елларда мототранспорт чаралары яшүсмерләр арасында бик популяр булып китте һәм юлларда аларның саны елдан-ел арта бара. Күпчелек очракта транспорт руле артына утырганда юл хәрәкәтендә катнашучы яшьләр үзләренең куркынычсызлыгы һәм тирә-юньдәгеләр өчен иң фаҗигале һәм кире кайтарылмаслык нәтиҗәләр турында уйламыйлар.
2026 елның 22 апрелендә Теләче муниципаль районының Сауш төп гомуми белем бирү мәктәбендә «Мототранспорт чаралары» темасына куркынычсызлык дәресе үткәрелде, анда 13-16 яшьлек 7, 8 һәм 9 сыйныф укучылары катнашты.
Татарстан Республикасы Дәүләт техник күзәтчелек идарәсенең Теләче муниципаль районы бүлеге баш дәүләт инженер-инспекторы Илфар Баев кар машиналары белән идарә итү буенча куркынычсызлык чаралары турында сөйләде, аларны үтәмәү юл-транспорт һәлакәтләренә китерергә мөмкин, дип кисәтте. Әңгәмә барышында техниканы кулланганда хокук бозуларны теркәү, укыту һәм җәза чаралары, шулай ук соңгы елларда Татарстан Республикасында квадроцикллар катнашында булган хәлләр статистикасы мәсьәләләренә кагылдылар. Катнашучылардан җиткерелгән кызыклы сорауларга җентекле җаваплар бирелде.
Илфар Баев – ТР Дәүләт техник күзәтчелек идарәсенең Теләче муниципаль районы буенча баш дәүләт инженер-инспекторы.