ТР Армия, авиация һәм флотка ирекле ярдәм җәмгыятенең Теләче районы автомәктәбендә имтиханнар булды
Агымдагы елның 21 апрелендә Теләче муниципаль районында Татарстан Республикасы Дәүләт техник күзәтчелек идарәсенең Теләче муниципаль районы бүлеге башлыгы И.Р. Баев, Татарстан Республикасы Дәүләт техник күзәтчелек идарәсенең Саба муниципаль районы бүлеге башлыгы Х.Х.Нәзиров белән берлектә, «AI», «B», «С» категорияле үзйөрешле машиналар белән идарә итү хокукына уку курсларын тәмамлаган укучылардан имтихан кабул иттеләр. Гариза биргән 7 студент арасыннан 6 кеше имтиханга килде һәм кертелде. Теоретик һәм практик имтиханнарны беренче мәртәбәдән үк 5 студент тапшырды, алар, үткән укуларына карап, тиешле категориядәге тракторчы-машинист таныклыгы алачаклар. Кабат имтиханнар беренчел имтиханнан соң җиде көн узгач билгеләнде.
Илфар Баев – ТР Дәүләт техник күзәтчелек идарәсенең Теләче муниципаль районы буенча баш дәүләт инженер-инспекторы.