Әлки муниципаль районының Юхмачы урта мәктәбендә куркынычсызлык дәресе узды
Мототранспорт чаралары катнашында балаларның имгәнү очраклары ешаю сәбәпле, Юхмачы урта мәктәбендә укучылар өчен «Мототранспорт чараларын эксплуатацияләү» темасына куркынычсызлык дәресе үткәрелде.
Дәүләт техник күзәтчелек инженер-инспекторы Айдар Мусин укучыларны дәүләт техник күзәтчелек хезмәте эшчәнлеге, аның функцияләре һәм бурычлары белән таныштырды. Дәресне тыңлаучылар өчен А1 категориясенә караган күзәтү астындагы техника (мототранспорт чаралары) характерланды, ул хәзерге дөньяда шәхси куллану өчен дә, җитештерүдә дә «кече механизация чарасы» сыйфатында да кулланыла. Әлеге техникага һәм аның йөртүчесенә закон кысаларында әлеге транспорт төрен эксплуатацияләү һәм куркынычсызлыкны тәэмин итү өчен куела торган төп таләпләр аңлатылды.
Шулай ук техниканы имин эксплуатацияләү чаралары, тыюлар һәм чикләүләр, хокук бозулар өчен җаваплылык, транспорт белән идарә иткәндә штаттан тыш хәлләрдә үз-үзеңне тоту кагыйдәләре һәм әлеге техник чараны эксплуатацияләү өлкәсендә яшь буынның дөньяга карашын киңәйтүгә юнәлдерелгән башка мәсьәләләр каралды.
Айдар Мусин – Татарстан Республикасы Дәүләт техник күзәтчелек идарәсенең Әлки муниципаль районы бүлегенең баш дәүләт инженер-инспекторы.