«Алексеевскводоканал» ААҖ оешмасында техник карау уздырылды
Алексеевск муниципаль районында язгы-җәйге чор алдыннан торак-коммуналь хуҗалыкның махсус техникасына техник карау уздырылды.
Аны Татарстан Республикасы Дәүләт техник күзәтчелек идарәсенең Алексеевск районы бүлеге башлыгы Ә.Г. Тукмаков уздырды. Чарада район башлыгы С.А. Демидов, шулай ук Дәүләт автоинспекциясе бүлеге башлыгы Р.И. Шакиров катнашты.
Тикшерү барышында машиналарның техник торышын, аларның территорияләрне җыештырудан алып урам-юл челтәрен карап тотуга кадәр сезонлы бурычларны үтәүгә әзерлеген бәяләделәр. Җиһазларның төзеклегенә һәм комплектланганлыгына аерым игътибар бирелде.
Тикшерү нәтиҗәләре буенча 20 берәмлектән артык махсус техника эшкә әзер. Әзерлек тулы күләмдә башкарылган, бу язгы-җәйге чорда коммуналь хезмәтләрнең тотрыклы эшләвен тәэмин итәргә мөмкинлек бирәчәк.
Әгъләм Тукмаков – ТР Дәүләт техник күзәтчелек идарәсенең Алексеевск муниципаль районы бүлегенең баш дәүләт инженер-инспекторы.