Бөгелмә аграр көллиятендә кабат имтихан узды
2026 елның 9 апрелендә «Бөгелмә аграр көллияте» ДАҺБУ Татарстан Республикасы Дәүләт техник күзәтчелек идарәсенең Бөгелмә муниципаль районы һәм Бөгелмә шәһәре буенча бүлеге дәүләт инженер-инспекторы С.А.Попов тарафыннан «AI, В, С, D, Е, F» категорияле үзйөрешле машиналар белән идарә итү хокукына кабат имтихан уздырылды. Имтиханда шулай ук үзйөрешле машиналар белән идарә итү хокукын алу өчен кешеләрне әзерләү һәм яңадан әзерләү белән шөгыльләнүче белем бирү учреждениесе вәкилләре катнашты. Имтихан нәтиҗәләре беркетмәгә кертелде. 7 кандидатның 1се килмәде, калганнары имтиханны уңышлы тапшырдылар.
Уңышлы тапшырганнан соң, кандидат тракторчы-машинист таныклыгы алу өчен Дәүләт техник күзәтчелек идарәсенә мөрәҗәгать итә. Документ 10 елга бирелә, шуннан соң алмаштырылырга тиеш.
Катнашучыларның барысына да Россия Федерациясенең Дәүләт хезмәтләре порталы аша тракторчы-машинист таныклыгын алмаштыру һәм бирү буенча хезмәтләрдән файданалана алу мөмкинлеге турында мәгълүмат бирелде.
Сергей Попов – ТР Дәүләт техник күзәтчелек идарәсенең Бөгелмә шәһәре һәм Бөгелмә муниципаль районы бүлегенең баш дәүләт инженер-инспекторы.