Метрополитенда балаларның куркынычсызлык кагыйдәләре
Язгы каникул чорында халык күп йөри торган җәмәгать объектларында балаларның иминлеген тәэмин итү аеруча мөһим.
Метрополитен – югары дәрәҗәле куркыныч зонасы, һәм балалар һәрвакытта да вәзгыятьне дөрес бәяләргә һәм куркынычны танырга сәләтле түгел. Метрода үз-үзеңне куркынычсыз тотарга өйрәтүдә төп рольне ата-аналар яки аларның законлы вәкилләре уйный. Алар станцияләрдә, эскалаторларда һәм вагоннарда үзләрен ничек дөрес тотарга икәнен шәхси мисалда күрсәтергә тиеш. Озатып йөрүче метродан файдалану процессында балага зыян китермәү буенча барлык кирәкле чараларны күрергә тиеш!
⚡ Эскалатор:
- Кечкенә балаларны кулларыннан яки кулда тотарга.
- Эскалатор хәрәкәт иткәндә олы кешенең кулына яки тоткага ныклап тотынырга, хәрәкәт итү уңаена йөз белән, ике аяк белән баскычта басып торырга.
- Култыксаларга иелү, йөгерү, сикерү, эскалатор баскычларында утыру тыела.
- Эскалатор тарагына әйберләр эләккән очракта аларны мөстәкыйль рәвештә алырга тырышмаска, янәшәдә басып торган өлкәннәргә ярдәм сорап мөрәҗәгать итәргә.
- Хәрәкәтсез мәйданчыкка төшкәндә – сикермәскә һәм шунда ук алга үтәргә яки читкә китәргә.
⚡ Платформа:
- Платформа кырыендагы чикләү сызыгыннан, юлга егылмас өчен, поезд туктаганчы кермәскә.
- Поезд туктаганда ишек төбендә урын бушатырга.
- Юлга төшү тыела.
- Платформада йөрергә һәм транспорт чараларын (самокат/велосипед/роликлар һ.б.) кулланырга ярамый.
⚡ Вагон:
- Вагонга керү/чыгу вагон ишекләренең ябылуы/ачылуы турында тавыш белән хәбәр ителгәннән соң гына мөмкин.
- Пассажирларның керүенә/чыгуына комачаулап, вагон ишегенә сөялмәскә.
- Вагоннарның тышкы һәм эчке өслегенә язулар/наклейкалар/рәсемнәр төшерү тыела.
- Музыка коралларын һәм тавыш көчәйтү чараларын ташучы җитәкчелегенең язма рөхсәтеннән башка куллану.
- Вагоннарны пычрату тыела.
Югарыда күрсәтелгән кагыйдәләр балаларның иминлеген һәм метродагы барлык пассажирларның уңайлылыгын тәэмин итәргә ярдәм итә. Метро кагыйдәләрен үтәгез һәм сәфәр вакытында сак булыгыз!