Яңа Чишмә муниципаль районы авыл хуҗалыгы оешмаларында техник карау дәвам итә
Яңа Чишмә районы авыл хуҗалыгы оешмаларында үзйөрешле машиналарга һәм тракторларга еллык техник тикшерү эшләре дәвам итә.
2026 елның 26-27 мартында «Архангельский КФХ» ҖЧҖ, Белоглазов Т.М. КФХ, Садыйков М.Х. КФХ һәм Садыйков М.Х. КФХ хуҗалыкларында техниканың әзерлеген тикшерделәр.
Техник тикшерү барышында янгын сүндерү һәм медицина ярдәме күрсәтүнең беренчел чаралары булу, техниканың теркәү мәгълүматларына туры килүе, тракторчы-машинист таныклыкларының, техниканың бу төрләре белән идарә итү өчен кирәкле категорияләр һәм рөхсәтләр булуы тикшерелде. Куркынычсызлык техникасын һәм юл хәрәкәте кагыйдәләрен үтәүгә аерым игътибар бирелде.
Барлык хуҗалыкларда механизаторлар беркетелгән техниканы техник тикшерүгә намус белән әзерләгәннәр һәм аларга техник карауны узу турында таныклык биреләчәк.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.