Мөслим политехник техникумында В, С, Е, F категорияләре тракторчы-машинист таныклыгы алу хокукына кабат имтихан узды
2025 елның 12 сентябрендә Мөслим политехник техникумы базасында «В», «С», «Е», «F» категорияләрендәге тракторчы-машинист таныклыгы алу хокукына имтиханнар узды. Имтиханның теоретик өлеше уку йортының махсус җиһазландырылган компьютер классында үткәрелде. Практик өлеш «Трактородром»да үткәрелде. Барлыгы имтихан тапшыруда заявка биргән 8 укучының 7се катнашты. Гомуми саннан 1 кеше теоретик өлешне, 1 укучы практик өлешне тапшырмады. Имтиханнарны уңышлы тапшырган затлар якын арада тракторчы-машинист таныклыклары алачак. Сынауны тапшыра алмаучылар өчен кабат имтихан кимендә 7 көннән соң булачак.
Имтихан тәмамлангач, киңәшмә барышында тракторчы-машинист таныклыгын алуда алга таба башкарылырга тиешле гамәлләр буенча мәсьәләләр каралды.
Рәшит Кирамов – Татарстан Республикасы Дәүләт техник күзәтчелек идарәсенең Мөслим муниципаль районы буенча бүлегенең баш дәүләт инженер-инспекторы.