Яшь буын өчен дәүләт техник күзәтчелегеннән куркынычсызлык дәресе
2025 елның 11 сентябрендә Татарстан Республикасы Дәүләт техник күзәтчелек идарәсенең Балык Бистәсе муниципаль районы бүлеге инспекторы тарафыннан «Балык Бистәсе агротехника техникумы» ДАҺБУнең 1 курс студентлары өчен куркынычсызлык буенча тематик дәрес үткәрелде. Дәрес мотоцикллар, кар машиналары һәм баггилар белән идарә итү һәм эксплуатацияләү кагыйдәләренә багышланган иде.
Дәрес барышында яшүсмерләр белән куркынычсыз йөрүнең төп кагыйдәләрен, транспортка карата техник таләпләрне, аларны бозуның хокукый аспектларын һәм нәтиҗәләрен җентекләп тикшерделәр.
Күрсәтмәлелек өчен теорияне хокук бозуларның реаль мисаллары белән ныгыттылар һәм алар китерергә мөмкин булган кайгылы нәтиҗәләрне ачыкладылар.
Дәресне үткәрүнең төп максаты — яшьләрнең куркынычсызлык өлкәсендә белем дәрәҗәсен күтәрү, махсус техника белән идарә итүгә җаваплы мөнәсәбәт булдыру һәм, нәтиҗәдә, бәхетсезлек очракларын булдырмау.
Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы бүлегенең баш дәүләт инженер-инспекторы.