Аттракционны вакытлыча теркәү
РФ Хөкүмәтенең «Аттракционнарны дәүләт теркәвенә алу кагыйдәләрен раслау турында» 30.12.2019 ел, №1939 карарын үтәү йөзеннән, Азнакай муниципаль районының Актүбә штп. Татарстан нефтенең 70 еллыгы исемендәге паркында RB-2 караган (потенциаль биомеханик куркынычның уртача дәрәҗәсе) Spider-Men кабартылган тау вакытлыча теркәүгә алынды.
Аттракцион махсус оешмада техник тикшерү узды. Эксплуатантлар белән аттракционнар эшләгәндә хокук бозуларны булдырмау, техник торышка таләпләрне үтәү турында әңгәмә үткәрелде, шулай ук аттракционнардан куркынычсыз файдалану таләпләре һәм килүчеләрнең үз-үзләрен тоту кагыйдәләре турында аңлатылды. Һәлакәтләр һәм бәхетсезлек очраклары турында мәгълүмат җиткерелде, шулай ук кызыксындырган сорауларга җентекле җаваплар бирелде.
Шамил Гаскәров – ТР Дәүләт техник күзәтчелек идарәсенең Азнакай шәһәре һәм Азнакай муниципаль районы бүлегенең баш дәүләт инженер-инспекторы.