Татарстан Республикасы Дәүләт техник күзәтчелек идарәсенең күзәтчелек һәм автоматлаштырылган нигездә исәпкә алу бүлеге башлыгының «КАЗЭНЕРГО» АҖ профилактик визиты
«Россия Федерациясендә дәүләт контроле (күзәтчелеге) һәм муниципаль контроль турында» 2020 елның 31 июлендәге 248-ФЗ номерлы федераль законның 52 статьясы һәм Татарстан Республикасы Министрлар Кабинетының 02.12.2022 ел, № 1276 карары белән расланган Үзйөрешле машиналарның һәм башка төр техниканың техник торышы һәм эксплуатациясе өлкәсендә региональ дәүләт контроле (күзәтчелеге) турында нигезләмәнең 23 пункты нигезендә 2025 елның 20 августында Җәләлетдинов Илнур Рифкать улы тарафыннан «КАЗЭНЕРГО» АҖ оешмасына профилактик визит үткәрелде.
Профилактик визит барышында аерым игътибар контрольдә тотылучы затларның мәҗбүри таләпләрне үтәү ысуллары турында хәбәрдарлыгын арттыруга юнәлтелде.
Профилактик визит вакытында контрольдә тотылучы затка РФ Хөкүмәтенең «Үзйөрешле машиналар һәм башка төр техниканың техник торышына һәм эксплуатациясенә карата таләпләрне раслау турында» 2022 елның 2 ноябрендәге 1967 номерлы карары белән расланган Үзйөрешле машиналар һәм башка төр техниканың техник торышына һәм эксплуатациясенә карата мәҗбүри таләпләрне үтәү кирәклеге турында мәгълүмат бирелде.
РФ Хөкүмәтенең «Үзйөрешле машиналарны һәм башка төр техниканы техник карау турында» 2013 елның 13 ноябрендәге карары нигезендә ел саен үткәрелә торган техник тикшерү уздыру турында өстәмә мәгълүмат җиткерелде.
Даими уздырыла торган техник карау двигатель, тормоз системасы, руль идарәсе һәм үзйөрешле машиналарның башка төп узеллары эшендәге җитешсезлекләрне вакытында ачыкларга мөмкинлек бирә. Бу бигрәк тә эксплуатацияләү процессында югары йөкләнешләргә дучар ителә торган авыл хуҗалыгы, төзелеш һәм юл техникасына кагыла.
Илнур Җәләлетдинов – Татарстан Республикасы Дәүләт техник күзәтчелек идарәсенең күзәтчелек һәм автоматлаштырылган нигездә исәпкә алу бүлеге башлыгы.