2024 елда Апас муниципаль районында азык әзерләү техникасын һәм азык саклагычларын азык әзерләүгә кабул итү конкурсы
2024 елның 15 маенда Апас муниципаль районында агросәнәгать комплексы оешмалары арасында азык әзерләү техникасының кыр эшләренә әзерлеге буенча конкурс узды. Комиссия составына «Ак Барс» МТК ҖЧҖ директоры А.Ш.Фатыйхов, авыл хуҗалыгы һәм азык-төлек идарәсе башлыгы Р.Р.Гыйсмәтов, район авыл хуҗалыгы һәм азык-төлек идарәсе белгечләре, Апас муниципаль районы буенча дәүләт техник күзәтчелек бүлегенең баш дәүләт инженер-инспекторы И.Ф.Солтанбәков керде, алар районның 7 авыл хуҗалыгы предприятиесендә булдылар. Хуҗалыкларда булганда комиссия терлек азыгы җыю комбайннарының һәм азык әзерләү техникасының әзерлеген, хезмәтне саклау таләпләре үтәлешен тикшерде. Комиссия авыл хуҗалыгы формированиеләренең әзерлек дәрәҗәсен баллар системасы буенча бәяләде. Конкурс нәтиҗәләре буенча беренче урын «Апас –Мол» ҖЧҖ «Горбунов» бүлекчәсенә бирелде, икенче урында – «Нур» АХП» ҖЧҖ, өченчедә – «Ибрагимов и К» АХП ҖЧҖ һәм «Табар» АХП ҖЧҖ.
Ирек Солтанбәков – ТР Дәүләт техник күзәтчелек идарәсенең Апас муниципаль районы бүлегенең баш дәүләт инженер-инспекторы.