Моточараларны (снегоходларны) теркәү
Кышкы чор җитү сәбәпле, гражданнарның кар чаналарын теркәү кагыйдәләре турында мөрәҗәгатьләре ешайды. Теркәү Россия Федерациясе Хөкүмәтенең «Үзйөрешле машиналарны һәм техниканың башка төрләрен дәүләт теркәвенә алу кагыйдәләрен раслау турында» 21.09.2020 ел, № 1507 карары нигезендә үткәрелә. Исәпкә куелганда кирәкле документлар исемлеге «Үзйөрешле машиналарны һәм техниканың башка төрләрен дәүләт теркәвенә алу кагыйдәләрен раслау турында» 21.09.2020 ел, № 1507 Россия Федерациясе Хөкүмәте карарының 6 пунктында китерелгән.
Физик затлар өчен теркәлү документлары исемлеге:
- хуҗаның шәхесен раслаучы документ (паспорт);
- тапшыру-кабул итү акты белән сату-алу килешүе;
- үзйөрешле машинаны милеккә тапшыру турындагы тамгасы булган үзйөрешле машина паспорты (электрон паспорт өземтәсе);
- ОСАГО полисы (ПСМ нигезендә 20 км/сәг тизлек белән тәгәрмәчле техника өчен);
- техникага тәңгәллек сертификаты (яңа техника өчен);
- дәүләт пошлинасы;
- үзйөрешле машинаны теркәү турында гариза.
Үзйөрешле техниканы теркәү һәм кирәкле документлар һәм гамәлләр исемлеген төгәлләштерү өчен дәүләт техник күзәтчелек бүлегенә бер төбәк чикләрендә мөрәҗәгать итәргә кирәк.
Законда билгеләнгән срокта – милекчелек хокукы күчкән вакыттан башлап 10 көнлек чорда теркәлмәгән өчен Административ хокук бозулар турында РФ кодексының 19.22 статьясының 1 өлешендә гражданнарга бер мең биш йөз сумнан башлап ике мең сумга кадәр; вазыйфаи затларга ике мең сумнан башлап өч мең биш йөз сумга кадәр; юридик затларга биш мең сумнан башлап ун мең сумга кадәр административ штраф салу каралган.
Линар Гыймаев – ТР Дәүләт техник күзәтчелек идарәсенең Балык Бистәсе муниципаль районы буенча баш дәүләт инженер-инспекторы.