Лениногорск политехник көллиятендә мототранспорт чараларын йөртүчеләр өчен имтиханнар булып узды

2022 елның 22 ноябре, сишәмбе

Бүген Лениногорск политехник көллиятендә А1 категорияле моточараларны йөртүчеләргә укыган укучылар арасында имтиханнар булып узды. Сынау тапшыручыларның техника белән куркынычсыз эш итү белемнәре тикшерелде.

Имтиханга 3 кандидат килде һәм имтиханның теоретик һәм практик өлешен уңышлы тапшырдылар. Тиздән алар А1 категорияле тракторчы-машинист таныклыкларын алачаклар.

Илнур Галимов – ТР Дәүләт техник күзәтчелек идарәсенең Лениногорск муниципаль районы буенча бүлек җитәкчесе – баш дәүләт инженер-инспекторы.