«Завод Техно» ҖЧҖ филиалында еллык техник карау уздырылды

2022 елның 11 октябре, сишәмбе

«Завод техно» ҖЧҖ Зәй шәһәре филиалында сәнәкле төягечләргә ел саен уздырыла торган техник карау үткәрелде.

Техникага техник карау уздырылганда руль һәм тормоз системасының, яктылык һәм тавыш сигнализациясенең төзек булу-булмавына, шиннар торышына, агрегатларның номерлары тапшырылган документлардагы белешмәләргә туры килү-килмәвенә, тракторчы-машина йөртүче таныклыгы, медицина аптечкасы, янгын сүндергеч булу-булмауга игътибар бирелде.

Техник карауга тәкъдим ителгән 33 берәмлек техниканың 32 берәмлегенә еллык техник тикшерүне узу турында таныклык бирелде.

Валентин Гончаров – Зәй шәһәре һәм Зәй муниципаль районы буенча дәүләт техник күзәтчелек бүлеге җитәкчесе.