Яңа Чишмә муниципаль районында – техник карау
2022 елның 21 сентябрендә ШЭ В.А.Попков техникасына тикшерү уздырылды, анда барлыгы 10 берәмлек техника бар иде, аларның 7 берәмлеге хәзерге вакытта туңга сөрү буенча Яңа Чишмә һәм якын-тирә районнарның авыл хуҗалыгы формированиеләренә хезмәт күрсәтә торган «энергиягә бай» тракторлар.
Тикшерү барышында теркәү документлары, техник торыш, янгын сүндерү һәм медицина ярдәме күрсәтүнең беренчел чаралары белән тәэмин ителеш, тракторчы-машинист таныклыкларының булуы тикшерелде.
Шунысы игътибарга лаек, барлык тракторларның да чыгару еллары төрле, ә алар исә яңа гына завод конвейерыннан төшкән кебек, тиешенчә әзерләнгәннәр иде.
Тикшерү нәтиҗәләре буенча барлык тракторларга техник карау узу турында таныклыклар биреләчәк.
Рәис Хисмәтуллин – ТР Дәүләт техник күзәтчелек идарәсенең Яңа Чишмә муниципаль районы буенча баш дәүләт инженер-инспекторы.