Чирмешән районында Чирмешән аграр техникумында үзйөрешле техникага ел саен уздырыла торган техник карау үткәрелде

2022 елның 15 сентябре, пәнҗешәмбе

Чирмешән муниципаль районының Чирмешән аграр техникумында 6 берәмлек техникага техник карау уздырылды.

Чара барышында теркәү документлары, машиналарның техник торышы, аларны эксплуатацияләгәндә куркынычсызлык таләпләренә туры килү-килмәве тикшерелде. Чарада катнашучылар белән үзйөрешле машиналарны куркынычсыз эксплуатацияләү буенча профилактик әңгәмә үткәрелде.

Техник карау нәтиҗәләре буенча техник карау узган барлык үзйөрешле машиналарга техник карау узу турында таныклыклар биреләчәк.

Радик Нәзиров – Татарстан Республикасы Дәүләт техник күзәтчелек идарәсенең Чирмешән муниципаль районы буенча баш дәүләт инженер-инспекторы.