Мамадыш муниципаль районының «Азбука сыра» ҖЧҖдә үзйөрешле техниканы тикшерү

2022 елның 7 сентябре, чәршәмбе

Бүген Мамадыш муниципаль районының «Азбука сыра» ҖЧҖ базасында үзйөрешле техникага техник карау уздырылды. Техник тикшерү барышында машиналарның техник куркынычсызлык таләпләренә җавап бирүенә: тормозларның, руль системасының, яктырту җайланмаларының, хәрәкәт итү өлешенең, тавыш сигналының, тагылманың иминият ялганышлары төзек булуына, шулай ук машинаның теркәлү белешмәләренә туры килүенә, йөртүчедә тиешле категория буенча тракторчы-машина йөртүче таныклыгы булу-булмавына махсус игътибар бирелде.

Шулай ук юл хәрәкәте иминлеге, куркынычсызлык техникасы һәм янгын куркынычсызлыгы буенча профилактик әңгәмә үткәрелде.

Барлык техника да тиешле дәрәҗәдә әзерләнгән иде.