Зәй муниципаль районында чөгендер җыю техникасына еллык техник карау уздырылды

2022 елның 17 августы, чәршәмбе

Зәй муниципаль районы агрофирмалары бүлекчәләрендә чөгендер җыю техникасына еллык техник карау уздырылды. Руль һәм тормоз системасының, яктылык һәм тавыш сигнализациясенең төзек булу-булмавына, шиннарның, тизлекне күчерә торган җайланма эшләп торганда двигательнең эшен тоткарлау системасы торышына, агрегатларның номерлары тапшырылган документлардагы белешмәләргә туры килү-килмәвенә, тракторчы-машина йөртүче таныклыгы, медицина аптечкасы, янгын сүндерү җайланмалары булу-булмауга игътибар бирелде. 

В.Г.Гончаров – Зәй шәһәре һәм Зәй муниципаль районы буенча дәүләт техник күзәтчелек бүлеге җитәкчесе.