Азнакай шәһәренең «ЦПК-Татнефть» өстәмә һөнәри белем бирү хосусый мәгариф учреждениесендә имтиханнар узды

2022 елның 26 июле, сишәмбе

 Узган дүшәмбедә Азнакай шәһәренең «ЦПК-Татнефть» өстәмә һөнәри белем бирү хосусый мәгариф учреждениесендә «А1» категорияле үзйөрешле техника белән идарә итү хокукына дәүләт имтиханнары узды. Тракторчы-машинист таныклыгы алу өчен сынауга 6 кеше кертелде. Барысы да имтиханның теоретик һәм практик өлешен уңышлы тапшырдылар һәм тракторчы-машинист таныклыгын алачаклар.

 Илназ Хәмитов – Дәүләт техник күзәтчелек идарәсенең Азнакай муниципаль районы буенча баш дәүләт инженер-инспекторы.