2022 елның 17 июнендә П.В.Дементьев исемендәге Казан авиация техникасы көллияте филиалында Дәүләт техник күзәтчелек идарәсенең Питрәч муниципаль районы бүлеге тарафыннан «В», «С», «Е», «F» категорияләре буенча тракторчы-машинист һөнәре буенча имтихан алынды. Сынау бирергә тиешле 24 кешенең 3се теория өлешен бирә алмады. Машина йөртү буенча имтиханнар Беларус-1221.2, ДТ-75М тракторларында һәм «Нива-Эффект» ашлык җыю комбайнында үткәрелде. Кабат имтихан 2022 елның 24 июненә билгеләнде. Имтиханнарны уңышлы тапшырган студентларга якын арада тракторчы-машинист таныклыклары биреләчәк.
В.В.Максимов – Питрәч муниципаль районы буенча дәүләт техник күзәтчелек бүлеге башлыгы.