Чаллы шәһәренең «Мәдәният һәм ял паркы» МУП киңәшмә
Россия Федерациясе Хөкүмәтенең «Аттракционнарны дәүләт теркәвенә алу кагыйдәләрен раслау турында» 2019 елның 30 декабрендәге 1939 номерлы карары (алга таба – Кагыйдәләр) нигезендә, барлык аттракционнар да, кагыйдәләр үз көченә кергәнче файдалануга тапшырылган аттракционнардан тыш, аларны файдалануга тапшырганчы, дәүләт теркәвенә алынырга (тору урыны буенча вакытлыча дәүләт теркәвенә алынырга) тиеш.
Кагыйдәләрнең 8 статьясы нигезендә, Кагыйдәләр үз көченә кергәнче файдалануга кертелгән һәм Россия Федерациясе субъектларының норматив хокукый актлары нигезендә теркәлмәгән (исәпкә алынмаган) ихтимал биомеханик хәтәрлек дәрәҗәсе югары булган (RB-1) аттракционнар Кагыйдәләр үз көченә кергән көннән башлап 24 ай узганчы, ягъни 2022 елның 9 апреленә кадәр дәүләт теркәвенә алынырга тиеш.
Шулай итеп, бүгенге көндә барлык ихтимал биомеханик хәтәрлек дәрәҗәсе югары булган аттракционнар (RB-1) теркәлергә тиеш.
Шуңа бәйле рәвештә һәм Чаллы шәһәренең «Мәдәният һәм ял паркы» МУП күп санда аттракционнарны эксплуатацияләүгә бәйле рәвештә, 2022 елның 5 маенда Татарстан Республикасы Дәүләт техник күзәтчелек идарәсенең аттракционнарга күзәтчелек һәм махсус юл транспортына дәүләт контроле бүлеге башлыгы Герасимов Андрей Николаевич, Татарстан Республикасы Дәүләт техник күзәтчелек идарәсенең Чаллы шәһәре һәм Тукай муниципаль районы бүлеге башлыгы Әхмәтшин Марат Ринат улы, Мәдәният һәм ял паркы директоры Черкашин Ильи Игоревич һәм паркның башка вәкилләре катнашында киңәшмә уздырылды.
Киңәшмә барышында аттракционнарның техник торышына һәм эксплуатациясенә карата таләпләр, шулай ук аттракционнарның үзләрен дәүләт теркәвенә алу мәсьәләләре күтәрелде.
М.Р. Әхмәтшин – ТР Дәүләт техник күзәтчелек идарәсенең Чаллы шәһәре һәм Тукай муниципаль районы бүлеге башлыгы – баш дәүләт инженер-инспекторы.