ТР Теләче районының «Август-Теләче» ҖЧҖдә техника каралды
Техник караулар уздыру графигы нигезендә район хуҗалыкларында тракторларга һәм тагылмаларга техник караулар уздырыла. 1 апрель көнне «Август-Теләче» ҖЧҖдә шундый чара үткәрелде.
31 берәмлек трактор, үзйөрешле машиналар һәм тагылмалар тәкъдим ителде.
Тикшерү барышында тракторларның техник торышы, аларның янгын сүндерү чаралары, аптечкалар, авария тукталышы билгеләре, тәгәрәп китүгә каршы терәкләр, ә тагылмаларда саклау җайланмалары булуы һәм тормоз системасының эшкә яраклылыгы тикшерелде.
Механизаторларның үзләренә беркетелгән техника белән эш итүгә тиешле категория буенча таныклыклары булу-булмавы тикшерелде.
Барлык тәкъдим ителгән техника техник карауга тиешле дәрәҗәдә әзерләнгән иде. Шуңа күрә барысы да еллык техник карауны уңышлы уздылар.
Хәмит Нәзиров – ТР Дәүләт техник күзәтчелек идарәсенең Теләче районы буенча баш дәүләт инженер-инспекторы.