Апас муниципаль районындагы «Татавтодор» җәмгыятендә 2021 елгы техник тикшерү уздырылды

2021 елның 17 марты, чәршәмбе

2021 елның 17 мартында, техник тикшерү уздыру графигы нигезендә, «Татавтодор» АҖ предприятиесендә техника тикшерелде. Техник карауга 37 берәмлек техника тәкъдим ителгән иде. Бер берәмлек техниканы исәптән төшерүгә әзерлиләр.  Барлык техника янгын сүндерү чаралары, шулай ук медицина аптечкалары белән тәэмин ителгән.

Техника яхшы дәрәҗәдә әзерләнгән иде. Уздырылган тикшерү нәтиҗәләре буенча техник карау узу турында таныклыклар биреләчәк.

Ирек Солтанбәков – Дәүләт техник күзәтчелек идарәсенең Апас муниципаль районы буенча баш дәүләт инженер-инспекторы.