«ЧЕЛТӘР КОМПАНИЯСЕ» ААҖ Идел буе электр челтәрләренең Балтач РЭС предприятиесендә үзйөрешле техникага тикшерү уздырылды
Быелның 29 гыйнварында «ЧЕЛТӘР КОМПАНИЯСЕ» ААҖ Идел буе электр челтәрләренең Балтач РЭС предприятиесендә үзйөрешле техникага тикшерү уздырылды. Техник карауга 3 берәмлек техника китерелде. Машиналарга һәм аларның тагылмаларына техник тикшерү уздырган вакытта аларның тышкы кыяфәтенә, техник торышына, теркәү документлары булу-булмавына, тракторчы-машинист таныклыкларына, дәүләт теркәү билгесенә, машиналардагы номер агрегатларының документларда күрсәтелгән белешмәләргә туры килү-килмәвенә, шулай ук аптечка, янгын сүндергеч җайланма, аварияле тукталыш тамгасы булу-булмавына махсус игътибар бирелде. Техник тикшерү нәтиҗәләре буенча техник карау узу турында 3 таныклык бирелде.
Марат Габдрахманов – ТР Дәүләт техник күзәтчелек идарәсенең Балтач муниципаль районы бүлеге баш дәүләт инженер-инспекторы.