Кышкы шәһәрчекләрне эксплуатацияләүгә таләпләр
Кыш җитү белән Татарстан Республикасы торак пунктларында кышкы таулар – күңел ачу аттракционнарын актив файдаланыла башлый.
Кышкы тау – агачтан, боздан яисә алар кушылмасыннан проектланган һәм ясалган корылма, авыш өслеге булган, өстеннән шуу өчен тайгак өслек белән корылган кышкы чорда күңел ачу өчен махсус ясалган күңел ачу корылмасы.
Кышкы шәһәрчекләрне эксплуатацияләгән вакытта анда килүчеләр һәм тамашачылар өчен бу корылмаларны файдаланган барлык чорда да иминлек тәэмин ителергә, әлеге корылмаларны билгеләнеше буенча гына (юридик зат яки шәхси эшкуар тарафыннан) куллану гамәлгә ашырылырга, эксплуатация документларында һәм ГОСТ Р 56987-2016 «Күңел ачу корылмаларының куркынычсызлыгы. Кышкы таучыклар. Эксплуатацияләгәндә куркынычсызлык таләпләре» (алга таба – ГОСТ) стандартында билгеләнгән таләпләр һәм киңәшләр үтәлергә тиеш. ГОСТта күрсәтелгән таләпләрне кышкы шәһәрләрне монтажлаганда һәм эксплуатацияләгәндә үтәргә кирәк.
Татарстан Республикасы территориясендә аттракционнарны куркынычсыз эксплуатацияләү өлкәсендәге таләпләр үтәлешен күзәтүне гамәлгә ашыручы вәкаләтле орган – Татарстан Республикасы Үзйөрешле машиналарның һәм башка төр техниканың техник торышына күзәтчелек идарәсе (алга таба – Дәүләт техник күзәтчелек идарәсе).
Күңел ачу аттракционнарын файдалануга тапшыру тәртибе һәм эксплуатацияләү кагыйдәләре турында консультацияләр һәм аңлатмаларны Дәүләт техник күзәтчелек идарәсенең Казан шәһәре, Спорт урамы, 33 нче йорт адресы буенча урнашкан бүлегендә яки 8(843) 273-54-30 телефоны аша алырга мөмкин.