Марат Җәббаров машина-трактор паркларын капиталь ремонтлау һәм авыл хуҗалыгы техникасын ремонтлау турында сөйләде
Бүген Татарстан Республикасы Хөкүмәте Йортында узган киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров машина-трактор парклары объектларын капиталь ремонтлау программасын гамәлгә ашыру, техниканы кышкы саклауга кую һәм авыл хуҗалыгы техникасын ремонтлау турында сөйләде.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Премьер-министры Алексей Песошин катнашты.
Министр хәбәр иткәнчә, 2016 елдан 2020 елга кадәр машина-трактор паркларын капиталь ремонтлау программасы ярдәмендә эшләр бәясенең 30 процентын субсидияләп, 307 ремонт-механика остаханәсен, авыл хуҗалыгы машиналарын һәм гаражларны ремонтлау һәм көйләү пунктларын ремонтлауга ирешкәннәр – гомуми күләмнең 23 проценты. Бу максатларга республика бюджетыннан 242,4 млн. сум, шулай ук авыл хуҗалыгы товарлары җитештерүчеләрнең 562,6 млн. сум күләмендә үз акчалары бүлеп бирелгән.
Әтнә, Саба, Арча, Балтач һәм башка районнардагы машина-трактор парклары объектларын капиталь ремонтлауга зур игътибар бирелә. «Төзекләндерелгән машина-трактор парклары территориясе, персоналга уңайлы шартларда эшләү һәм техниканы саклау өчен капиталь остаханәләре булган әлеге хуҗалыклардагы үрнәк яшьләрне җәлеп итә, кадрлар агымын тоткарлый һәм кертелгән бюджет субсидияләренең нәтиҗәлелеген күрсәтә», – диде Марат Җәббаров.
Министр техниканы кышкы саклауга кую мәсьәләләренә аерым тукталды. 9 ноябрьдән 13 ноябрьгә кадәр барлык районнарда авыл хуҗалыгы машиналарын саклауга кую һәм 2021 елгы кыр эшләренә әзерлек буенча конкурслар узды. Ул искәрткәнчә, ярты ел дәвамында дөрес консервацияләү һәм саклауга кую машина-трактор паркларының сезонлы эшләргә югары дәрәҗәдә техник әзерлеген 90 процент күләмендә тәэмин итә.
Техниканы саклауга кую чаралары кыр эшләренә вакытында әзерләнүгә юнәлдерелгән тулы бер бурычлар комплексы белән алып барыла. Бу – техникага карата җитешсезлек исемлекләрен төзү, механизаторларның һәм ремонт персоналының көзге-кышкы чорда эш белән тәэмин ителеше, запас частьләргә сезонлы ташламалардан файдалану, заказлар урнаштыру һәм запас частьләр һәм комплектлау өчен килешүләр төзү.
Техниканы ремонтлауга килгәндә, 2020-2021 елларда көзге-кышкы ремонт чорында 9,9 мең трактор, 5,3 мең бөртек чәчкеч, 4,8 мең культиватор, 521 чәчү комплексы, 773 катнаш агрегат һәм башка авыл хуҗалыгы техникасы агымдагы һәм капиталь ремонтланырга тиеш. Җитешсезлек исемлекләре нәтиҗәсендә техниканы кыр эшләре сезонына әзерләүгә республика буенча 3,7 млрд.сум акча кирәк булачак, шул исәптән язгы кыр эшләренә – 2 млрд. сум. Бүгенге көндә 655 млн.сумлык запас частьләр, ягъни кирәк булганның 33 проценты сатып алынган. 20 ноябрьгә ремонтланган тракторлар саны – фаразланганнан 44 процент, чәчкечләр – 35 процент, чәчү комплекслары – 40 процент, культиваторлар – 34 процент.
Район башлыкларына һәм авыл хуҗалыгы товар җитештерүчеләренә мөрәҗәгать итеп, Рөстәм Миңнеханов билгеләп үткәнчә, үз вакытында карау һәм техникага игътибарлы булу – аның киләсе кыр эшләренә әзерлегенең нигезе. «Без кайбер хуҗалыкларда үз техникаларына җавапсыз караш күрәбез. Сезонлы саклауга һәм планлы ремонтка куелмыйча, алар зур чыгымнар китерергә мөмкин. Авыл хуҗалыгы техникасына зур акчалар тотыла. Бу мәсьәләләргә игътибар белән карарга кирәк», – дип ассызыклады ТР Президенты.
Чыгышның тулы тексты: https://agro.tatarstan.ru/rus/file/pub/pub_2585323.pdf
Тулы чыгыш видеосы: https://agro.tatarstan.ru/press/video.htm/video/6904619.htm