"Алексеевск ДОСААФ" – имтиханнар

2019 елның 30 декабре, дүшәмбе

2019 елның 28 декабрендә ТР армиясенә, авиациясенә һәм флотына ирекле ярдәм итү җәмгыяте иҗтимагый дәүләт берләшмәсенең Алексеевск бүлегендә "А1" категориясендәге тракторчы-машинист таныклыгы алуга квалификация имтиханнары узды. Сынау тапшырырга тиешле 12 укучының 9ы имтиханга кертелде.

 Барлык укучылар да яхшы белем дәрәҗәсен күрсәтте һәм имтиханның теория һәм практик өлешен уңышлы тапшырды. Аларга "АІ" категориясендәге тракторчы-машинист таныклыгы биреләчәк.

Фәнис Бакиров – Дәүләт техник күзәтчелек идарәсенең Алексеевск муниципаль районы буенча баш дәүләт инженер-инспекторы.