Сарман аграр көллиятендә WorldSkills Russia төбәк чемпионаты башланды
13нче ноябрьдә Сарман аграр көллияте базасында "Авыл хуҗалыгы машиналарын эксплуатацияләү" компетенциясе буенча Татарстан Республикасының "WorldSkills Russia" һөнәри осталык төбәк чемпионаты ачылды. Чарада катнаштылар: Сарман муниципаль районы башлыгы Фәрит Хөснуллин, Татарстан Республикасы авыл хуҗалыгы һәм азык-төлек министры урынбасары Тәлгат Таһирҗанов, Сарман районында авыл хуҗалыгы һәм азык-төлек идарәсе башлыгы Альберт Шәрипов, Дәүләт техник күзәтчелек идарәсенең Сарман муниципаль районы бүлеге башлыгы Альберт Сәлахов, җитәкчеләр, белгечләр, экспертлар һәм чемпионатта катнашучылар.
WorldSkills Russia коммерциясез хәрәкәт түгел, аның максаты – эшче һөнәрнең абруен арттыру һәм һөнәри белем дәрәҗәсен күтәрү. Чемпионатта Татарстан Республикасының төрле районнарыннан барлыгы 5 яшь профессионал катнашачак, алар челтәр этабында җиңүче булган. Катнашучылар үзләренең осталыкларын 5 модульдә күрсәтәчәк. Әлеге чемпионатта җиңүче 2020 елда "WorldSkills Russia" илкүләм чемпионатының сайлап алу этабында Татарстан Республикасы данын яклаячак
Альберт Сәлахов – Татарстан Республикасы Дәүләт техник күзәтчелек идарәсенең Сарман муниципаль районы буенча баш дәүләт инженер-инспекторы.