Кукмара муниципаль районының "ТАТВАТОДОР" АҖ Саба филиалының "Кукмара" ЮРТИ хуҗалыгында куркынычсыз эксплуатацияләү буенча дәрес узды

2019 елның 7 ноябре, пәнҗешәмбе

2019 елның 1нче ноябрендә "Татавтодор" АҖ Саба филиалының "Кукмара" юл ремонт-төзелеш идарәсендә үзйөрешле юл-төзелеш машиналарын йөртүчеләр һәм машинистлар өчен Татарстан Республикасы Дәүләт техник күзәтчелек идарәсенең Кукмара муниципаль районы бүлеге башлыгы – баш дәүләт инженер-инспектор А.Х. Вәлиев һәм Кукмара районы буенча ЮХИДИ идарәсенең юл-патруль хезмәте полиция капитаны С.П.Егоров катнашында үзйөрешле машиналарны куркынычсыз эксплуатацияләү буенча дәрес узды, аның барышында гомуми файдаланудагы юлларда эшләгәндә юл-төзелеш машиналарыннан куркынычсыз файдалану, иминлекле хәрәкәт итү мәсьәләләре каралды.

Кишер сары төсендәге ялтыравыклы маякларның, тышкы яктырту приборларының һәм яктылыкны чагылдыра торган әйберләрнең төзеклегенә махсус игътибар бирелде. Шулай ук үзйөрешле юл-төзелеш машиналарын кышкы чорда эшләүгә әзерләү мәсьәләләре дә каралды. Дәрестә катнашучылар үзләрен кызыксындырган барлык сорауларга тулы җаваплар алды.

Алмаз Вәлиев – ТР Дәүләт техник күзәтчелек идарәсенең Кукмара муниципаль районы буенча баш дәүләт инженер-инспекторы.