Казан шәһәренең "Су транспорты мәктәбе” ҖЧҖ автомәктәбендә имтиханнар узды

2019 елның 31 октябре, пәнҗешәмбе

2019 елның 31нче октябрендә "Су транспорты мәктәбе" ҖЧҖ автомәктәпләре базасында "А1", "А2" категорияле үзйөрешле техника белән идарә итү хокукына дәүләт имтиханнары узды, тракторчы-машинист таныклыгын алу өчен сынауга 18 кеше кертелде. Шулар арасыннан 16 кеше теория өлешен уңышлы тапшырды һәм имтиханның практик өлешенә кертелде, анысын барысы да уңышлы тапшырды. Сынауны тапшыра алмаган курсантлар өчен кабат имтихан 7 көннән соң булачак.

М.Р.Әхмәтҗанов – Татарстан Республикасы Дәүләт техник күзәтчелек идарәсенең Казан шәһәре бүлеге башлыгы.