Татарстан Республикасы Дәүләт техник күзәтчелек идарәсенең Тәтеш шәһәре һәм Тәтеш муниципаль районы бүлегендә гражданнар кабул ителде

2019 елның 11 октябре, җомга

11 нче октябрьдә Татарстан Республикасы Үзйөрешле машиналар һәм башка төр техниканың техник торышына күзәтчелек идарәсе башлыгы Радик Зыятдинов Татарстан Республикасы Дәүләт техник күзәтчелек идарәсенең Тәтеш шәһәре һәм Тәтеш муниципаль районы бүлегендә гражданнарны кабул итте, чара барышында техниканы дәүләт теркәвенә алу, техник карау узу һәм теркәү документларын торгызу мәсьәләләре каралды.

Барлык мөрәҗәгать иткән гражданнарга җентекле аңлатмалар һәм консультацияләр бирелде.