Әгерҗе муниципаль районында "Комбайн" операциясе кысаларында уртак рейд узды
2019 елның 21 августында Әгерҗе муниципаль районында Дәүләт техник күзәтчелек идарәсе инспекторы К.В.Гыймазов ЮХИДИ инспекторы А.А.Әхмәтшин белән берлектә рейд үткәрде. Операция барышында "Агрофирма-Агрыз" ҖЧҖ, "Назар" ҖЧҖ һәм "Сарсак-Омга" ҖЧҖ кырларында эшләүче комбайннар тикшерелде. Куркынычсызлык техникасы чараларын үтәүгә, беренчел янгын сүндерү чаралары булу-булмавына һәм төзеклегенә аерым игътибар бирелде. Яхшы яктан шунысын билгеләп үтәргә кирәк: барлык хуҗалыкларда да кыр эшләре янгын сүндерү автомобильләренең кизү торуы белән оештырылган.
9 комбайн тикшерелде, ачыкланган хокук бозулар буенча хуҗалыклар инженерларына 3 күрсәтмә бирелде.
Камил Гыймазов – Дәүләт техник күзәтчелек идарәсенең Әгерҗе муниципаль районы буенча баш дәүләт инженер-инспекторы.