Кайбыч муниципаль районында урып-җыю техникасын кабул итү
2019 елның 17 июлендә Кайбыч муниципаль районында АСК оешмалары арасында 2019 елга урып-җыю эшләренә һәм туфракны төп эшкәртүгә әзерлек буенча урып-җыю техникасын кабул итү булды. Татарстан Республикасы Үзйөрешле машиналар һәм башка төр техниканың техник торышына күзәтчелек идарәсе башлыгы Р.Р.Зыятдинов, "РСЦ" ФДБУ Татарстан Республикасы филиалының Кама Тамагы районы бүлеге башлыгы Р.Х.Ганибаев һәм район башлыгы А.И.Рәхмәтуллин катнашындагы бәяләү комиссиясе районның барлык хуҗалыкларында булып чыктылар. Чарада авыл хуҗалыгы идарәсе башлыгы Р.М.Камалетдинов, механикалаштыру буенча консультант Р.С.Тимергалиев, дәүләт техник күзәтчелек бүлеге башлыгы М.Н.Серебряков, игенчелек буенча консультант И.Д.Нигъмәтҗанова, шулай ук хуҗалыклар җитәкчеләре һәм белгечләре катнашты. Ашлык җыю техникасына карау уздырылды, урып-җыю эшләрен башкарганда хезмәтне саклау һәм куркынычсызлык техникасы мәсьәләләре өйрәнелде. Бигрәк тә техниканы бер урыннан икенче урынга күчерү эшен ИТР белән берлектәндә һәм уракны транспорт торышында күчерергә кирәклеге турында ассызыкланды. Комбайннар арасындагы дистанцияне башка транспорт чараларына аларны узып китү өчен оптималь ераклыкта сакларга кирәк. Комбайннарның хәрәкәт маршрутлары торак пунктларны йөреп чыгарга һәм гомуми файдаланудагы юлларның минималь кисешкән урынында үтәргә тиеш. Механизаторларны хезмәткә түләү бәяләре белән таныштырдылар, урып-җыюда мәшгуль кешеләрне кызыксындыруга бәйле нигезләмәләр турында җиткерелде.
Кайбыч муниципаль районы башлыгы Альберт Рәхмәтуллин һәм комиссия җитәкчесе ашлык җыю техникасын әзерләгәндә катнашкан барлык механизаторларга, белгечләргә һәм җитәкчеләргә урып-җыю эшләрен уңышлы тәмамлау турында теләп, рәхмәт белдерде. Конкурс нәтиҗәләре буенча комиссия авыл хуҗалыгы формированиеләренең әзерлек дәрәҗәсен район буенча уртача алганда 50 баллы система буенча 44 баллга бәяләде. Конкурс йомгаклары буенча беренче урынны гомуми 47 балл туплаган "Кубня" а/ф алды, икенче урында – гомуми 45 балл туплаган "Дубрава" агрофирмасы ҖЧҖ һәм "Золотая Нива" агрофирмасы ҖЧҖ.
М.Н.Серебряков – Дәүләт техник күзәтчелек идарәсенең Кайбыч муниципаль районы бүлеге башлыгы.